Namminersornerullutik Oqartussat nalunaarutaat nr. 17 31. Juli 2000-imeersoq tuttut eqqissisimatitaanerat piniagaanerallu pillugit Namminersornerullutik Oqartussat nalunaarutaannut allannguutaasoq.

 

§ 1.

Namminersornerullutik Oqartussat nalunaarutaanni nr. 10-imi 26. Juni 1999-imeersumi tuttut eqqissisimatitaanerat piniagaanerallu pillugit makku allanngortinneqarput:

 

1. § 5-imi immikkoortoq nutaatut imm. 5-ip kingornatigut ikkunneqarpoq:
"Imm. 6. Sunngiffimmi aallaaniarsinnaanermut allagartamik qinnuteqartoq, qinnuteqaateqarnermi nalaani 16-inik ukioqalereersimassaaq."

 

Taassuma kingornatigut imm. 6 imm. 7-nngorpoq.

 

2. § 8 allanngortinneqarpoq imaalillugu:
"§ 8. Tuttut pisarineqartut neqaat tamarmik angerlaanneqassapput imaluunniit qimatulineqassallutik.
Imm. 2. Aasaanerani ukiaaneranilu piniarnermut atatillugu tuttut pisarineqartut neqaat taamaallaat tuniniarneqarsinnaapput piffissami tuttunniarfiup nalaani aamma piffissap tuttunniarfiup unitsinneqarnerata kingornatigut ullut 14-it tikillugit. Politiit, piniarnermik aalisanermillu nakkutilliisut imaluunniit inuit allat Naalakkersuisunit piginnaatitaasut piumasaqarnerisigut akuersissut imaluunniit nalunaaqutsiuttakkat ingerlaannartumik takutinneqassapput.
Imm. 3. Taamaattoq neqaat panertitat tuniniarneqarsinnaapput piffissap tuttunniarfiusup unitsinneqarnerata kingornatigut.
Imm. 4. Tuttut nassuinik katersisoqarsinnaavoq taamaallaat aavarfiup nalaani."

 

§ 2.

Nalunaarut atortussanngorpoq ulloq 1. august 2000 aamma sunniuteqalissalluni 1. juni 2000-imiit. Nalunaarut atorunnaassaq ulloq 1. december 2000.

 

Namminersornerullutik Oqartussat, ulloq 31. Juli 2000.

 

 

Simon Olsen

/

Jørn Birk Olsen